26-Jun-2022 مزاحیہ چھکّے
چھکے
قربانی
بھینس کو قربان کرنا بھی ہے مشکل اب کے سال
آسماں پر قیمتیں ہیں اور ہے بکروں کا کال
عید پر شوہر کی قربانی بنے گی اک مثال
کیوں نہ اب کی عید پہ ہوجائے یہ شوہر حلال
بیوی بولی مسکرا کر یہ تو ممکن ہی نہیں
کیا گدھوں کی بھی ہوا کرتی ہے قربانی کہیں
فیوچر
لفظ نیچر کو پڑھا بچوں نے نیٹورے جناب
ان کو نمبر بھی دیئے ہیں آپ نے پورے جناب
سارے ناکارہ ہیں بچے آپ کے اسکول میں
چاہے کالو ہو یا بھولو ہو یا ہو بھورے جناب
جو لکھا ہوتا ہے ہم اس کو پڑھا تے ہیں وہی
ہے برائٹ آپ کے بچے کا فو ٹو رے جناب
بیمہ
اک دن جھڑک کے بولی بیوی مری نعیمہ
قسطوں نے ہر مہینے میرا بنایا قیمہ
اک کام فائدے کا تم سے ہوا نہ اب تک
دو شوہروں کا روپیہ لے آئی ہے شمیمہ
دس سال سے برابر میں بھر رہی ہوں قسطیں
مرنا اگر نہیں تھا پھر کیوں کرایا بیمہ
چکر میں
لبوں پہ آپ کے اب ہر گھڑی اللہ ہی اللہ ہے
تہجد کی نمازیں اور چالِس دن کا چلہ ہے
بڑی داڑھی صفا مونچھیں نیا یہ روپ بدلا ہے
کہا بیوی نے مجھ کو آپ نے نادان سمجھا ہے
مجھے معلوم ہے کل تک تھے تم نورو کے چکر میں
مگر جاتے ہو مسجد روز اب حورو کے چکر میں
جب ڈاکٹر کا ہم نے چکایا نہیں ادھار
پھر اس کے انتقام کے ہم یوں ہوئے شکار
جلاب والی گولیاں ہم کو کھلائیں چار
بیت الخلا میں شعر یہ لکھ آئے میرے یار
اس انجمن میں آپ کو آنا ہے بار بار
دیوار و در کو غور سے پہچان لیجئے
Khan
02-Jul-2022 07:06 PM
Nyc
Reply
Chudhary
01-Jul-2022 06:44 PM
Nice
Reply
Aniya Rahman
01-Jul-2022 06:06 PM
Nyc
Reply